መቐለ፥17 ሕዳር 2017 ዓ/ም (ቴሌቪዥን ትግራይ)

ሳፋሪኮም ኢት/ያን ኢማጅን ዋንደይን ብትምህርተን ፀብለለልታ ንዘርአያ ደቂ ኣንስትዮ መተባብዒ ሽልማት ገንዘብን ሞባይልን ኣበርኪቶም።

ሳፋሪኮም ኢት/ያ ደቂ ኣንሰትዮ ንምትብባዕ ዓሊሙ ኣብ 8ይን 12 ን ክፍሊ ዝለዓለ ውፅኢት ንዘምፅኣ 39 ብሉፃት ተምሃሮ ሞባይል ሸሊሙ።

ኢማጅን ዋንደይ ብወገኑ ዝለዓለ ውፅኢት ንዘመዝገባ 9 ተምሃሮ ንሕድሕደን ልዕሊ 10 ሽሕ ብር ሸሊሙ።

ሓላፊ ዝምድናታት ሳፋሪኮም ኢት/ያ ጨንፈር ትግራይ መሓሪ ገ/ስላሴ፣ዳሬክተር ምስ ሳፋሪኮም ኢት/ያ ሓቢሩ ዝሰርሕ ኣክሰዮም ኣብ ትግራይ ቤተልሄም ሰለሞንን ኣብ ኢማጅን ዋንደይ ኣተሓባበሪ ጉዳያት ደቂ ኣንስትዮ ኣይተ ኣማኑኤል ሃይለን ተምሃሮ ብትምህርተን ጠንኪረን ንሕ/ሰበን ሓገዝቲ ንክኾናን ካልኦት ንዕአን ብምርኣይ ክስዕበአንን ብምሕሳብ እዚ ሽልማት ከም ዝሃቡ ኣረዲኦም።

ካልኦት ትካላት እውን ደቂ ኣንስትዮ ተምሃሮ ኣብ ምብርትታዕ ክነጥፍ ፀዊዖም።

ሽልማት ዝተውሃባ ተምሃሮ ብወገነን ዝተውሃበና ሽልማት ዝበለፀ ንክንጥንክር ዝሕግዘዝ እዩ ኢለን።

ብኪሮስ_መሓሪ