ዓለምለኸ ባንኪ ኣንበሳን ማሕበር መቐለ መሳርሒ ህንፃ ማእኸል ዕዳጋን ሓቢሮም ንምስራሕ ተፈራሪሞም ።

መቐለ፥ 3 ጳጉሜን 2016 ዓ.ም (ቴሌቪዥን ትግራይ

ኣባላት ማሕበር መቐለ መሳርሒ ህንፃ ማእኸል ዕዳጋ ዛጊድ ልዕሊ 420 ሚልዮን ብር ኣብ ዓለምለኸ ባንኪ ኣንበሳ ከም ዝዓቖሩን እቲ ባንኪ ነታ ማሕበር ልቓሕ ከም ዝህብን ተገሊፁ።

እቲ ባንኪ ምስታ ማሕበር ሓቢሩ ንምስራሕ ዝወሰዶ ተበግሶ ዝነኣዱ ኣባላት እታ ማሕበር ኣብ ምብዛሕ ወለድ ልቓሕ ፣ግዘ መምለሲ ልቓሕን ካልኦትን ሕቶታት ኣቕሪቦም።

ኣቦመንበር ማሕበር መቐለ መሳርሒ ህንፃ ማእኸል ዕዳጋ ኣይተ ገብሩ ተኽሉ ብወገኖም ማሕበሮም ምስቲ ባንኪ ብምትሕብባር ዝጀመረቶ ህንፀት ማእኸል ዕዳጋ ብምዝዛም ተረባሕነት ኣባላታን ጠለብን ተበፃሕነትን ምችው ዕዳጋ ንሕብረተሰብ ንምብፃሕን ከም እትሰርሕ ኣረዲኦም።

ኘረዚደንት ዓለምለኸ ባንኪ ኣንበሳ ኣይተ ዳኒኤል ተኸስተ ንቐፃሊ ውን እቲ ባንኪ ኣብ ጎኒ እታ ማሕበር ብምዃ ንእተሳልጦም ስራሕቲ ልምዓት ከም ዝድግፍ ገሊፆም።

አብቲ ስምምዕነትን ካልኦት ምንቅስቓሳት እታ ማሕበርን ዘተ ተሳሊጡ።

#ብኪሮስ_መሓሪ