ዘይተኸምበተ መኸተና ብምውሓስ ዓርሰ ሙርኮሳ ትግራይ ይረጋገፅ-ፕረዚደንት ግዝያዊ ምምሕዳር ትግራይ ጌታቸው ረዳ።

መቐለ፥ 8 መስከረም 2017 ዓ.ም (ቴሌቪዥን ትግራይ)

ዘይተኸምበተ መኸተና ብምውሓስ ዓርሰ ሙርኮሳ ትግራይ ክረጋገፅ ከምዝግባእ ፕረዚደንት ግዝያዊ ምምሕዳር ትግራይ ጌታቸው ረዳ ኣገንዚቦም።

ኣብቲ ምዝማን ሕርሻን ምውሓስ ዓርሰ ሙርኮሳ ቁጠባ ትግራይን ኣብ ዝብል ዘተ ዝተረኸቡ ፕረዚደንት ጌታቸው ረዳ ካብ ላዕሊ ክሳብ ታሕቲ ዘሎ ኣመራርሓ ኩሉ ኣብ ምውሓስ ረብሓ ህዝቡ ክሰርሕ ፀዊዖም።

ሓላፊ ቢሮ ሕርሻን ሃፍቲ ተፈጥሮን ትግራይ ዶ/ር ኢያሱ ኣብርሃ ብወገኖም ኩሉ ዓቕምታትና ወዲብና ሕርሻና ንምዝማን ተዳሊና ኣለና ኢሎም።

ኣብቲ ዘተ ማእቶት ሕርሻ ኣፈፃፅማ መደባት ሕርሻ ኣመልኪቶም ብዕምቆት ይዝትዩ ኣለው። እቲ ዘተ ፅባሕ ዝቕፅል ኮይኑ እቲ ቢሮ ዝሓዞ ትልሚ 2017 ዓ.ም ገምጊሙ ከምዘፅድቕ ሓላፊ እቲ ቢሮ ዶ/ር እያሱ ገሊፆም።

ኣብቲ ዘተ ምዝማን ሕርሻ ትግራይ ፕረዚደንት ግዝያዊ ምምሕዳር ሓዊሱ ጀነራል ታደሰ ወረደን ጀነራል ፃድቃን ገ/ትንሳኤን ካልኦት ኣመራርሓን ተረኺቦም እዮም።

#ብመለስ_ኣለማት