Home ኣማርኛ ዜና የተባበሩት መንግስታት ድርጅት ዓለም አቀፍ  የሰብአዊ መብቶች አጣሪ ኮሚሽን የሰብአዊ መብት ያልተገደበ...

የተባበሩት መንግስታት ድርጅት ዓለም አቀፍ  የሰብአዊ መብቶች አጣሪ ኮሚሽን የሰብአዊ መብት ያልተገደበ ፍቃድ እንዲሰጠው በመጠባበቅ ላይ መሆኑን አስታወቀ፡፡

82
0

—-

የተባበሩት መንግስታት ድርጅት ዓለም አቀፍ  የሰብአዊ መብቶች አጣሪ ኮሚሽን የሰብአዊ መብት ጥሰት ተፈፅሞባቸዋል በተባሉ ሁሉም አከባዎች ገብቶ ለመርመር የሚያስችለው ያልተገደበ ፍቃድ እንዲሰጠው በመጠባበቅ ላይ መሆኑን አስታወቀ፡፡

ድርጅቱ ትላንት ባወጣው መግለጫ የመርማሪ ኮሚሽኑ አባላት ከሃምሌ 18/2014ዓም ጀምሮ ለአምስት ቀናት ያህል አዲስ አበባ ለይ ቆይታ አድርገው ትላንት ተመልሷል፡፡

የምርመራ ኮሚሽን አባላት ነፃና ገለልተኛ ሆነው ስራቸውን ለማከናወን  ያልተገደበ ፈቃድ እንዲሰጣቸው ከፋሽስት የአብይ ቡድን ባለስልጠናት ጋር  ውይይት ማድረጋቸውን ያወጡት መግለጫ ያመላክታል፡፡

መርማሪዎቹ በኦሮሚያ ክልል ተገድሏል የተባሉትን 200 ሰዎች ጉዳይ ምርመራ እንደሚያደርጉ በዋናነት በትግራይ ህዝብ ላይ በታወጀው የጀኖሳይድ ጦርነት የተፈፀሙ የሰብአዊ መብት ጥሰቶችን ዓለም አቀፍ የጦርነት  ድንጋጌዎችና ዓለም አቀፍ የስደተኞች ህግ ጥሰቶችን በጥልቀትና በገለልተኝነት እንደሚመረምር መግለጫው አመልክቷል፡፡

የተባበሩት መንግስታት ድርጅት የሰብአዊ መብቶች ምክር ቤት  በትግራይ ጦርነት ላይ የተፈፀሙ የጦር ወንጀሎችና እና የሰብአዊ መብቶች ጥሰቶችን የሚመረምር የኮሚሽን አባላት ባለፈው መጋቢት ወር ማቋቋሙን ይታወቃል፡፡

በጦርነት ወቅት በተፈፀመው ወንጀሎች ተጠያቂነት እንዲኖር ፣ዘላቂ  ሰላም ለማምጣት መሰረት መሆኑን ያሰመሩበትት የአሜሪካና የአውሮፓ ህብረት ልዩ መልእክተኞች  ለምርመራ ኮሚሽን አባላት ስራቸው ተአማኒና ገለልተኛ ሆነው እንዲያከናውኑ በጦርነቱ በተገደቡ አካባቢዎች ያልተገደበ ፈቃድ እንዲሰጣቸው ትላንት ባወጡት የጋራ መግለጫ ማሳሰባቸው ይታወሳል፡፡

Previous articleየትግራይ መንግስት ከአውሮፓ ህብረትና  ከአሜሪካ የአፍሪካ ቀንድ ልዩ መልእክተኞች፤ የአውሮፓ አገራት አምባሳደሮች በሰላማዊ ድርድሩና በሌሎች ጉዳዮች ዙሪያ ተወያዩ፡፡
Next articleበትግራይ ወባ፣ ኮሌራ፣ የእብድ ውሻ በሽታ፣ እንዲሁም አባ ሠንጋ የተባለው የከብቶች በሽታ በወረርሽኝ መልክ መከሰታቸው የትግራይ ጤና ቢሮ አስታወቀ።