Home ዜና ሓዱሽ ሃገራዊ መለለዪ መንነት

ሓዱሽ ሃገራዊ መለለዪ መንነት

241
0

ካብ ዝተፈላለዩ ከባቢታት ትግራይ ኣብ ከተማታት ትግራይ ዝተዓቈቡ ወገናት ብፌደራል መንግስቲ ኢትዮጵያ ዝዕደል ሓዱሽ ሃገራዊ መለለዪ መንነት ኣስተውዒሎም ክወስዱ ከምዝግባእ ኤጀንሲ ስታቲስቲክስን ምዝገባ ወሳኒ ኩነትን ትግራይ ኣገንዚቡ።

 ተፈናቐልቲ ወገናት ብ መንግስቲ ኢትዮጵያ ዝዕደል ሓዱሽ ሃገራዊ መለለዪ መንነት ኣስተውዕሎም ክውስዱ ይግባእ ተባሂሉ። ፌደራል መንግስቲ ኢትዮጵያ ሓዱሽ ሃገራዊ መለለዪ መንነት ምዕዳል ጀሚሩ አሎ።

እዚ ሓዱሽ ሃገራዊ መለለዪ መንነት ፤ ንመለለዪ መንነት ብሄራዊ መንግስቲ ትግራይ ከምዘዪውክል ድማ ዳይሬክተር ኤጀንሲ ስታቲስቲክስን ምዝገባ ወሳኒ ኩነትን ትግራይ ዶ|ር ገብረሃወርያ ገብረእግዚኣብሄር ገሊፆም።

ካብ ዝተፈላለዩ ከባቢታት ትግራይ ኣብ ከተማታት ትግራይ ዝተዓቈቡ ወገናት ብፌደራል መንግስቲ ኢትዮጵያ ዝዕደል ሓዱሽ ሃገራዊ መለለዪ መንነት ኣስተውዒሎም ክወስዱ ከምዝግባእ እውን ዶ|ር ገብረሃወርያ ኣተሓሳሲቦም።

 እቲ ሓዱሽ ሃገራዊ መለለዪ መንነት ብሓይልታት ጄኖሳይድ ተወሪሩ ዘሎ ዞባታት ምዕራብን ደቡብን ፣ ሰሜን ምዕራብን ምብራቕን ትግራይ ለውጢ ዲሞግራፊ ማለት እውን ምትሕንፋፅ ህዝብን መሬትን ከየስዕብ ስግኣት ከምዘለዎም ድማ ኣነፂሮም።

 መንግስቲ ኢትዮጵያ በቲ ሓዱሽ ሃገራዊ መለለዪ መንነት ተጠቒሙ ቍጠባዊ ምንቅስቓስ ህዝቢ ምቊፅፃር ከምዝኽእል ዝገለጹ ዶ|ር ገብረሃወርያ መንግስቲ ትግራይ ፖሎቲካዊ ልዝብ ከካይድ ከምዝግባእ እውን ኣገንዚቦም።

ኤፍሬም_ረደሀይ

Previous articleሕብረት ኣውሮፓ ናብቲ ኣህጉር ዝግበር ዑቕባን ስደትን ኣመልኪቱ ሕጊ ኣውፂኡ፡፡
Next articleዳግም ምጅማር ቱሪዝም ትግራይ