እቲ ዝተገበረ ሓገዝ ኣብ ህዝቢ ትግራይ ዘሎ ከቢድ ስእነት መስተ ማይ ንምቅላል ዝሕግዝ እዩ ዝበሉ ሓላፊ ቢሮ ማይን እነርጂን ትግራይ ኣይተ ሞጎስ ገ/እግዝኣብሄር ሐዚ እውን ብሰንኪ ጀኖሳይዳዊ ኵናት ዝዓነዋ ትካላት ማይ ትግራይ ዳግም ንምህናፅ ዝለዓለ ርብርብ ከምዝጠልብ ኣገንዝቦም፡፡
ሓላፊት ካቢኔ ሴክሬታሪያት መሰረተ ልመዓት ወይዘሮ ያለም ፀጋይ ብግደአን ትካላት ማይ ትግራይ ምዕናወን ስዒቡ ህዝቢ ትግራይ ዝስተ ማይ ስእኑ ጥራሕ ዘይኮነስ ግዳይ ዝተፈላለዩ ማይወለድ ሕማማት ይኸውን ከምዘሎ ብምግላፅ ነቲ ዘሎ ፀገም ንምፍታሕ መንግስታውን ዘይመንግስታውን ትካላት ብትኹረት ክሰርሑ ይግባእ ኢለን፡፡
ሓላፊ ፊልድ ኦፊስ ዩኒሴፍ ማትዮ ፍሮንቲኒ ብወገኖም ኣብ ትግራይ ዝበፀሐ ኩለመዳይ ዕንወት ዳግም ንምሕዋይ ኣብ ዝውገኑ ስራሕቲ ትካሎም ኣድላዪ ዘበለ ሓገዝ ከምዝገብር ገሊፆም፡፡ብሰንኪ ኵናት ዕንወት ንዝበፀሖም ትካላት መስተ ማይ ዳግም ንምህናፅ ብወገን ሚንስተር ማይን ኢነርጂን ፌደራል ይስራሕ ኣሎ ዝበሉ ሚኒስትር ሚኒስተር ዴኤታ ኣምባሳደር ኣስፋው ዲንጋሞ ትካላት ማይ ትግራይ ዳግም ንምህናፅ ቐፃሊ ሓገዝ ከምዝግበር ኣረጋግፆም፡፡
#ብታደለ ዳኘው
