ኣምባሳደር ማይክ ሃመር ምስ ዲያስፖራ ተጋሩን ካልኦት ኢትዮጵያዉያንን ክዝትዩ ኢዮም።

ፍሉይ ልኡኽ መንግስቲ ኣሜሪካ ኣብ ቀርኒ ኣፍሪካ ኣምባሳደር ማይክ ሃመር ምስ ተወከልቲ ዝተፈላለዩ ዲያስፓራ ኢትዮጵያ ከም ዝዝትዩ ተሓቢሩ።

ኣምባሳደር ማይክ ሃመር ናብ ዝተፈላለያ ግዝኣታት ኣሜሪካ ሎስ ኣንጀለስ ፣ካሊፎርኒያን ሳንቲፊ ኒው ሜክሲኮን ኣምሪሖም ምስ ተወከልቲ ማሕበረሰብ ዲያስፓራ ትግራይ፣ ኣምሓራ፣ ኦሮሞን ሶማልያን ክዝትዩ ምዃኖም ቤት ፅሕፈት ጉዳያት ወፃኢ ኣሜሪካ ኣፍሊጡ።

ፍሉይ ልኡኽ ኣሜሪካ ኣብ ቀርኒ ኣፍሪካ ማይክ ሃመር ኣብ ህልው ኩነታት ኢትዮጵያን ትግበራ ስምምዕ ሰላም ፕሪቶርያን ኣድሂቦም ክዝትዩ ምዃኖም እዉን ኣፍሊጡ።