Home ዜና ዘተ ፕረዚደንት ጌታቸው ረዳ ምስ ልኡኽ ጉጅለ ኣባላትፓርላማ ጀርመን

ዘተ ፕረዚደንት ጌታቸው ረዳ ምስ ልኡኽ ጉጅለ ኣባላትፓርላማ ጀርመን

132
0

ብሞኒካ ግራተርስ ዝተመርሐ ልኡኽ ጉጅለ ኣባላት ፓርላማ ጀርመን ምስ ፕረዚደንት ግዝያዊ ምምሕዳር ትግራይ ጌታቸው ረዳ ኣብ እዋናዊ ጉዳያት ትግራይ ኣድሂቡ ዘትዩ

ኣባላት ፓርላማ ጀርመን ዘላቒ ሰላም ኣብ ምርግጋፅ፣ ኣብ ዳግመ ህንፀትን ሕውየትን ትግራይን ካልኦት ዓውደ ስራሕትን ብኸመይ ከምዝሕግዙ ዝተፈላለዩ ሕቶታት ንፕረዚደንት ጌታቸው ረዳ ኣቕሪቦምሎም።

ፕረዚደንት ጌታቸው ብወገኖም እቲ ከይዲ ስምምዕ ሰላም መሊኡ ብዘይምትግባሩ ብፍላይ ወረርቲ ሓይልታት ኤርትራ ካብ መሬት ትግራይ ዘይምውፀኦም፣ ግዝኣታዊ ሓድነት ትግራይ ብዘይምኽባሩን ተመዛበልቲ ናብ መረበቶም ብዘይምምላሶምን ኣብ ህዝቢ ኸቢድ ማሕብረ ቁጠባዊ ፀገማት ይበፅሑ ምህላዎም ገሊፆም

ኲናት ዝፈጠሮ ሰብ ሰራሕ ማሕበረ ቁጠባዊ ፀገማትን ድርቅን ምኽንያት ኣጋጢሙ ዘሎ ሓደጋ ጥሜት እዉን ሓገዛት ዝጠልብ ጉዳይ ምዃኑ ፕረዚደንት ጌታቸው ሓቢሮም።

ብገ/መድህን ተ/መድህን

Previous articleህዝቢ ትግራይ ሓጋጢሙዎ ዘሎ ጥምየት ህፁፅ መፍትሒ ዝጠልብ ጉዳይ እዩ-ጉጅለ ልኡኽ ቤት ምኽሪ ወከልቲ ህዝቢ ኢትዮጵያ
Next articleሓገዝ ልምዓታዊ ስፍትኔት ንተመዛበልቲ