Home ማሕበራዊ ሞት ተመዛበልቲ ዞባ ምዕራብ ትግራይ

ሞት ተመዛበልቲ ዞባ ምዕራብ ትግራይ

270
0

ኣብ ከተማ ሽረ እንዳስለሰ ካብ ዝርከቡ ተመዛበልቲ ዞባ ምዕራብ ትግራይ 54 ወገናት ብሰንኪ ሕፅረት ምግብን መድሓኒትን ከምዝሞቱ ምምሕዳር ዞባ ምዕራብ ትግራይ ኣፍሊጡ፡፡ ፋሽስታውያን ኣብ ዞባ ምዕራብ ትግራይ ዝፈፀምዎ ግፍዒ ከይኣክል ህይወቱ ከድሕን ናብ መዕቆቢ ማእከላት ዝኣተወ ህዝቢ ብጥምየት ክፀንት ዝተዋደደ ስራሕቲ ይሰርሑ ከም ዘለዉ ኣብ ከተማ ሽረ እንዳስላሰ ዝረከቡ ተመዛበልቲ ዞባ ምዕራብ ትግራይ ገሊፆም ፡፡

ማሕበረሰብ ዓለምን ተሓለቅቲ ሰብኣዊ መሰላትን ኣብ ዞባ ምዕራብ ትግራይ ይበፅሕ ዘሎ ዘየቋርፅ ግፍዒ እናርኣዩ ስቅታ ምምራፆም ከም ዝሓዘኑ ዝገለፁ እቶም ተመዛበልቲ ካብ ብጥሜት ንመውት ብሓድነት ተቃሊስና ፀላእትና ደምሲስና ሃለዋትናን ድሕንነትናን ክነረጋግፅ ይግባእ ኢሎም፡፡ዋና ኣመሓዳሪ ዞባ ምዕራብ ትግራይ ኣይተ ብረሃነ ገብረየሱስ ብሰንኪ ክባን ዕፅዋን ኣብ ሽረ እንዳስላሰ ካብ ዝርከባ መዕቆቢ ማእከላት ክሳዕ ሕዚ 54 ወገናት ከም ዝሞቱ ገሊፆም፡፡

እቲ ኣጋጢሙ ዘሎ ዕፅዋ ንምክፋት ህዝቢ ዞባ ምዕራብ ትግራይ ብዝለዓለ ሓድነት ይቃለስ ከም ዘሎ ዝሓበሩ ኣይተ ብርሃነ ዘጋጥም ዘሎ ኩለመዳይ ዕፅዋ ኣብ ዝሓፀረ እዋን ንምፍታሕ ፃዕሪ ይግበር ከም ዘሎ ሓቢሮም፡፡

ብጎይቶኦም ተከስተ

Previous articleዋና ቤት ፅሕፈት ጠቕላይ ቤተ ክህነት መንበረ ሰላማ ካሳቴ ብርሃን ኦሮቶዶክስ ተዋህዶ ቤተ ክርስትያን ትግራይ ኣብ ከተማ መቐለ ክኸውን ተወሲኑ።
Next articleትግራይ ብኣንደበት ነብዩ መሓመድ