ምሕዋይ ዝበረሱ ኣግራብ

ተኸተልቲ እምነት እስልምና ነበርቲ ከተማ መቐለ ብፀላእቲ ዝበረሰ ኣግራብ ዳግም ንምሕዋይ  ፈልሲ ተኪሎም።

ዘለናሉ እዋን …እዋን ክራማት እዩ። ኣብ ዝተፈላለዩ ከባቢታት ትግራይ ድማ ብርክት ዝበለ ሕ/ሰብ ፈልሲ እንትተክል ምርኣይ ልሙድ እዩ። ካብዚኣቶም ሓደ ድማ ኣቦይ ሓጂ ስዒድ መሓመድ ሲራጅ ወዲ 78 ዓመት በዓል ፀጋ ዕድመ እዮም።

ካብ እዋን ቁልዕነቶም ጀሚሮም ን 68 ዓመታት ዝኣክል ድማ ናብቲ ከባቢ እናኸዱ ጸሎት ከም ዝገብሩን በቢዓመቱ ፈልሲ ከም ዝተኽሉን ኣዘንቲዮሙሉና።

ኣቦይ ነጋሽ ኣረፈንን ወ/ሮ ሓዳስ ኣሕመድን ብወገኖም ፀላእቲ ዘብረስዎ ኣግራብ ንምትካእን ፣ ሓምለዋይ ከባቢ ንምፍጣርን  ፈልሲ ብምትካል ዳግማይ ክነሕውዮ ኢና ኢሎም።

ዋና ፀሓፊ ቤት ምኽሪ ጉዳያት እስልምና ትግራይ ሓጂ መሓመድ ካሕሳይ ሕ/ሰብ ዝበረሰ ደኒ ዳግም ንምሕዋይ ፈልሲ ክተክል ከምዘለዎን ዝተተክሉ ተክልታት ድማ ክንክን ክግበረሎም ይግባእ ኢሎም፡፡

ብመርሃዊ ተስፋይ