በትግራይ ህዝብ ላይ በተፈጠረው ሰው ሰራሽ ርሃብ ምክንያት አንዲት የአርባ ቀናት እድሜ ያለውን ህፃን እናት ህይወትዋ ማለፉ ተገለፀ፡፡

——- 

እናቱ በርሃብ ምክንያት በሞት የተለየችው የአርባ ቀናት እድሜ ያለውን ህፃን በበኩሉ በምግብ እጦት ሳብያ በከፍተኛ ስቃይ ውስጥ እንደሚገኝ ጉዳዩን በቅርብ የሚያውቁ የቤተሰብ አባላት ገልፀዋል፡፡

በዓዲግራት ከተማ እስከ  መጋቢት ወር 2014 ዓ/ም በርሃብና በመድሃኒት እጦት  ምክንያት  የበርካታ ሰዎች ህይዎት ማለፉን የከተማዋ  የሰራተኞች ጉዳይና የህብረተ-ሰብ ተጠቃሚነትና ተሳትፎ ዘርፍ ፅህፈት ቤት አስታውቋል ፡፡

ወ/ሮ ፀጋና ወ/ሮ ስእላ ፋሽስታውያን  ወራሪ ሃይሎች  በትግራይ ህዝብ ላይ ካወጁት የጀኖሳይድ ጦርነት  ለማምለጥ  ከሑመራ እና ዛላንበሳ  ከተሞች ወደ ዓዲግራት ከተማ  ተፈናቅለው በተፈናቃዮች ጊዚያዊ መጠለያ ጣብያ ላይ  ነበር የተዋወቁት፡፡

ወ/ሮ ስእላ እንደሚገልፁት  በወቅቱ ነብሰ  ጡር የነበረች ወ/ሮ ፀጋን ዘመዳቸው መጠልያ ይሆናቸው ወደ ሰጧቸው የመኖረያ ቤት ወስደው አዋልደዋታል፡፡ ሆኖም ለአራስ የሚዘጋጅ ምግብ ይቅርና ለአንድ ለሊት የሚሆን የሚላስ የሚቀመስ ምግብ ባለ መኖሩ  በርሃብ ምክንያት የወ/ሮ ፀጋ ህይወት እንዳለፈ  ይናገራሉ ፡፡      

የወ/ሮ ፀጋ ባለቤት አቶ ደስታ ግርማይ  ፋሽስታዊያን በፈጠሩት ሰው ሰራሽ ርሃብ ምክንያት ባለቤቱ የ 40 ቀን እድሜ ያለው ጨቅላ ትታ  ህይዎትዋ  በማለፉ በችግር ላይ ችግር ተደራርቦበት ሊሸከመው የማይችለውን ከባድ ችግር ውስጥ እንደሚገኝ ይናገራል፡፡

ወ/ሮ ፀጋ ፋሽስታዊያን  በፈጠሩት ሰው ሰራሽ ርሃብ ምክንያት ገና አይታ ያልጠገበችውን የ40 ቀን ህፃን ትታ ህይወትዋ እንዳለፈ የምትገልፀው  የወ/ሮ ፀጋ ጓደኛ  የሆነችው ሃረግ ህፃኑ በአሁኑ ወቅት  ወ/ሮ ስእላ  እጅ ላይ ቢሆንም  ለህፃኑ የሚሆን ምግብ ግን ማግኘት እንዳልቻሉ  ትግልፃለች፡፡

ፍሬሂወት ተ/መድህን